點解咁難?

看見朴友中，個個武藝超群。
國學呀、英國文學呀、法文呀、日文呀、音樂呀．．．
真係厲害！話時話，自己覺得，學語言都要講吓天份。

以前我學校有個學友，初頭逢二進一（即係讀兩科，肥一科）。但係佢都可以如期畢業，令好多人大跌眼鏡。

最記得果時暑假喺學校見番面，我直頭認佢唔出，減肥幾十磅後靚人到不得了。
講番轉頭，佢喺暑假時不停讀外文，法文呀、德文呀、意大利文呀．．．
一科6個 credits，佢仲要攞好多A呀，A-呀，就係咁，又過關囉。

我呢？剛剛相反．．．唔知係自己痴呆，定有語言學習障礙，硬係差啲啲。

不過咁，我相信，就如小說基督山伯爵裏阿神父所講，歐洲語系中係有一定共通點，要是能握得到，就會進步神速（即係果啲日耳曼、拉丁、同斯拉夫語族咁上下掛）。

下個月會開始試讀意大利文，希望自己醒少少。