月下獨酌

遲來的世慱

2010-10-10T22:24:00.000+08:00

發霉後嘅更新

真係好多人...

我的家...

兔仔館

...

我思故我在...

工欲善其事

2010-07-17T15:28:00.000+08:00

近排購置嘅廚具...

1. Miss Cooky 高速煲
2. WMF Trend 系列 24吋高身鑊連蓋
3. 貝印旬中式廚刀
4. 孖人 Professional S 三德刀
5. 惠康印花水果刀

食在 SOHO

2010-04-01T23:53:00.000+08:00

好忙! (其實係好懶...)

SOHO 近日又再開番食肆, 近日到過...

Fridge
小紅推介! 生蠔 X 酒~ (好難搵...)

BO-LO'GNE
如果你喜歡食麵包同甜品嘅話, 值得去試!

公利竹蔗水
甜品胃出動! 舖中嘅貓貓走失了...

暱稱

2010-02-20T10:26:00.002+08:00

朋友B
暖水袋
大肥佬
食蛇男
聰明犬
曖昧 (???)

嘿嘿~
祝大家虎年心想事成!

棻譜

2010-02-20T10:01:00.000+08:00

Soup: Bouillabaisse / Baguette
Main: Cassoulet de toulouse / pasta
Dessert: Molten chocolate cake / ice-cream

2010

2010-01-01T00:55:00.000+08:00

突然諗起 2010：太空漫遊...

祝大家新年快樂!

停一停, 抖一抖

2009-12-09T09:43:00.007+08:00

:)

:D

XD

=3=

庭園.月.團圓

2009-10-03T23:08:00.002+08:00

去年, 我開開心心地, 帶住小兔燈籠四處走...
今年, 我喝過清酒, 望向夜空, 仍是一輪明月...
霎時想起...

中秋節快樂!

R.I.P.

2009-09-27T20:26:00.003+08:00

先有 M.J.,

跟著是 Pina Bausch

現在是...

反網絡暴力宣言

2009-08-12T21:07:00.003+08:00

互聯網是自由媒介，所有網民都享有言論和思想自由，不容干涉。
思想和言論自由，是香港社會的基石。網上網下，我輩都有責任好好維護這個權利。
反對一切防礙網絡自由的行為，包括：

壓制甚至禁止反對意見
利用軟/硬手段，甚至恐嚇，去令反對聲音消失。

本人對網絡暴力行為深表遺憾，故貼此宣言，希望網上的言論自由和人身安全，得到保障。

我箱酒

2009-07-04T11:44:00.001+08:00

終於番咗黎...
哈哈！

五月指數

2009-06-02T23:28:00.001+08:00

扭計 --> 20 次
黑面 --> 4 次

R 發作指數 --> 紅色

係...我曳曳

春天來了

2009-04-19T22:18:00.003+08:00

不經不覺，已過復活。
倚傍窗前，悠悠打愣。
只見濛濛春雨，草木怒生。
卻又心中鬱悶，矛盾不已．．．

＊＊＊＊＊＊＊＊＊＊

近日最愛讀免費雜誌，正是＜讀書好＞。

如果你好想看書，去到書局，卻又無從入手，記得攞番本＜讀書好＞。
我愛看書評，尤其是別出心裁的書評．．．

若果對住電腦的話，記得要看看王亭之閒談，可謂賞心樂事。

＊＊＊＊＊＊＊＊＊＊

五月將臨，若有閒可以買票睇睇法國五月!

睇戲！食雞！

2009-04-02T22:43:00.001+08:00

我要睇戲！！！

睇戲！睇戲！睇戲！睇戲！睇戲！

剛剛睇咗禮儀師．．．

我都好想食家鄉雞．．．
誰知．．．
全部雞售罄！！！！！！
呀～～～～～～～～～～～～～～

生意乖囉

2009-02-14T00:08:00.002+08:00

Happy birthday to you...
Happy birthday to you...
Happy birthday to la la la...
Happy birthday to you!

Tagged by 揚眉

2009-02-09T22:50:00.006+08:00

Tag U
20 things I can think of within 5 minutes using my first name's initial.

Rules:
It's harder than it looks! Copy to your own note, erase my answers, enter yours, and tag twenty people.
Use the first letter of your name to answer each of the following questions. They have to be real...nothing made up! If the person before you had the same first initial, you must use different answers. You cannot use any word twice and you can't use your name for the boy/girl name question.

What is your name : Morca
A four Letter Word : More
A boy's Name : Morris
A girl's Name : Mocca
An occupation : Miner
A color : Marmalade
Something you'll wear : M&M's tee
Something you'll do : Map reading
A food : Mint
Something found in the bathroom : Moisture bath
A place : Mongkok
A reason for being late : mmm...
Something you'd shout : Mamma Mia!
A movie title : Moonwalker
Something you drink : Martini
A musical group : Musical box
An animal : Meow
A street name : MacDonald Road
A type of car : Mini cooper
The title of a song : Moon river

恭喜發財!

2009-02-01T21:14:00.008+08:00

恭喜發財!
希望大家新年快樂，身體健康，心想事成﹗

病呢，仍然未好，不過總有玩嘅時候！
昨夜同朋友跑到赤柱，鬼咁大風．．．已經半死嘅我，差啲全死！

今日繼續抖．抖．抖．．．

R，遲啲試埋果幾枝酒！哈哈！

差啲唔記得今日係人日，祝大家生日快樂！

又再開年

2009-01-11T21:58:00.003+08:00

去年就此如水流去，卻也發生了不少事．．．

年頭碰上從天而降的友人R～～～
剛剛轉工，金融海嘯一浪洶湧而來，算是抓住救生圈！？
轉工後，已經病過幾次．．．為何身子這麼弱？

上年多災多難，希望今年大家也身體健康，萬事順意吧！

(今日病患未癒，又要早抖．．．)

聖誕交叉blog之修成正果 by 匿名

2008-12-22T21:40:00.015+08:00

今年娛樂圈喜事重重，比較矚目的，先有陳慧琳，在個唱中宣佈婚訊；繼有劉嘉玲與梁朝偉，假不丹王宮舉行婚禮；後有李嘉欣跟許晉亨拉埋天窗．．．
為金融海嘯沖擊下的香港，平添一片喜慶的氣氛。

以上幾對新人當中，有愛情長跑十多廿年的、也有兩年多前才擦出愛火的。但不論是哪一種情況，人們總愛以「Ｘ年情終修成正果」來形容．．．
實在令人費解︰

「何以一結婚就代表修成正果呢？難道不結婚，感情就不能修成正果嗎？」

其實，婚姻只是一個起點，一對戀人能否白頭到老，真的要蓋棺才可定論。所以，打從有情人終成眷屬的一刻，就說他們已修成正果，實在是言之尚早。

結婚時大排筵席、婚禮極盡奢華、簽訂婚書時山盟海誓；但婚後對另一半不忠，甚至離異收場的例子比比皆是．．．真的令人質疑，婚姻與感情修成正果，是否有直接關係！？

反觀一些情侶，雖則未有正式註冊，但多年來一直保持恩愛，那份真摰的感情才最動人。早前勇奪視后的米雪，與拍拖廿多年的尹佬，便是這種模範關係的表表者。雖然有傳他們或許會考慮結婚，但其實到了這一刻，結婚與否，已不再重要。因為他倆已成功展示了一段歷久不衰的愛情，即使沒有結婚，他們的感情也堪稱修成了正果，結婚只是令這段完美關係錦上添花的儀式而已。

世俗眼光普遍認為，一對男女交往日久，男方便要給予女方一個名份，否則便是不負責任。然而，要是男方本身是個薄倖郎，就算他給了女方名份，也不代表一定會負責任。就以所謂風流才子倪震為例，有誰會相信他結了婚就會修心養性，不再令伴侶蒙羞？相信連他自己也沒有信心做得到！
一個男人的本質要是不好，嫁了給他也絕不可能修成正果的。

相反，如果男方是個從一而終的有情郎，不管他有沒有迎娶女方，也會因深愛對方而自願肩負起愛護照顧她一輩子的責任。一段關係能否修成正果，基本上取決於男女雙方對感情的態度，並非以有否結婚來斷定的。結了婚，不保證一定美滿幸福；不結婚，也不代表沒有幸福。

個人認為，不論已婚或未婚，只要二人全心全意地相愛、經過年月的考驗也恩愛如昔的，就是修成正果的境界。

情侶間以私定終身的方式長相廝守，還是夫妻間以簽定婚書的形式同諧白首．．．
同樣難能可貴，同樣是修成正果！

******************************************************

後記

因為事忙（一字曰：懶！！！:P）．．．
我自己的一篇，就用這首歌吧！

金枝玉葉

2008-11-02T23:34:00.003+08:00

我都係第一次見人喺公司睇金枝玉葉，咁都得？

:P

呆

2008-10-18T11:36:00.002+08:00

未試過轉工咁忙．．．

日日坐喺度，對住個電腦發呆．．．
好多嘢做，但係又唔識做．．．

再係咁，好快要幫襯心理輔導（員工福利黎喎）．．．

=3=

嘿!

2008-09-17T22:10:00.000+08:00

（╯－＿－）╯╧╧

（╯‵□′）╯︵┴─┴

╭(─╴╴─)╮ ▃▇

<(￣3￣)>

八月十五特別圓

2008-09-08T23:04:00.003+08:00

喺放長假嘅時候，卻病到頭暈眼花．．．
ｏｏｏ
/.\

喺咁嘅日子，做幾個重要決擇，又投票，又轉工．．．
真係想避．避．避．．．
我朋友成日講：”不過係由一個地獄，跳去另一個．．．”
〒▽〒

希望唔好係無間地獄．．．

中元過後又中秋，係時候曬月光，要搵翻個紙扎楊桃燈籠出來先！

八月雜談

2008-08-24T17:43:00.002+08:00

近排呢．．．

好多嘢想講，但又唔知點講．．．
要抖抖．．．

＊＊＊＊＊＊＊＊＊＊＊＊＊＊＊＊＊＊＊＊＊＊

唔係公事纏身，就係睇奧運．．．
終於，今晚奧運閉幕囉．．．

又，我好鐘意睇美國女排．．．
除咗因為朗平外，最重要係美國隊嘅鬥志極其高昂！

＊＊＊＊＊＊＊＊＊＊＊＊＊＊＊＊＊＊＊＊＊＊

兔兔病了．．．嗚嗚嗚．．．
要快啲好番啊!

月中結算

2008-07-14T22:35:00.007+08:00

停咗好耐無寫．．．
早排好多嘢想寫．．．
但總係擂鼓三通過後，寫到心眼兒就罷了．．．

一字曰：懶！！！

＊＊＊＊＊＊＊＊＊＊＊＊＊＊＊＊＊＊＊＊＊＊

早排睇咗無數爛片，上星期日終於都睇翻到好嘢:
我曾侍候過英國國王

最鐘意係臨尾碰杯一幕，Cheers!

跟住睇嘅會係愛‧住‧巴黎，希望到時未落畫啦！

＊＊＊＊＊＊＊＊＊＊＊＊＊＊＊＊＊＊＊＊＊＊

又，上星期日趕去西九龍中心取回雨傘。
卻不知原來”車神”來港，整個商場變成了一電車廠。
場．面．墟．冚．．．

＊＊＊＊＊＊＊＊＊＊＊＊＊＊＊＊＊＊＊＊＊＊

近期身體差，日日飲涼茶。
雖則謂苦口良藥，但．．．
喺我腦海中，突然浮現出：

苦榮同小苦妹首”苦”

咖啡是苦空氣是苦
膽汁更苦涼茶也苦．．．

真係好苦！

升起白旗

2008-06-22T22:48:00.002+08:00

（╬￣皿￣）＝○＃（￣＃）３￣）

我．．．投降．．．

不．要．咬．我．．．

縮一縮

2008-06-15T21:25:00.002+08:00

近日諸事不順，惡運連連．．．

凡事要小心小心，呢期都係扮下鵪鶉好．．．

天公做美

2008-06-04T22:52:00.001+08:00

估唔到又有咁多人！

三世奇緣得啖笑之小花鹿

2008-05-30T21:37:00.006+08:00

見人人玩得咁開心，我又來！

前生從楊州來本姓司，為：奸丞相 (乜仲有丞相，又唔覺有邊個姓司．．）
後世去青州田家托生，為：靚仔牙醫 (我不依！）

今生性格似花鹿

你的個性有如一頭花鹿，性格慢熱。
與陌生人交往時會有點畏縮，甚至刻意築起自我防衛的圍牆。
不過當大家混熟後，就會全情投入這份友誼，與朋友無所不談，展現內心熱情純真的一面。
你對朋友與戀人都很忠誠，尤其對愛人的依賴性很強，與性格近似的人最相襯。

＊＊＊＊＊＊＊＊＊＊＊＊＊＊＊＊＊＊＊＊

呢期時常聽 Badfinger 嘅老歌 Carry on till tomorrow．．．

好多嘢要來嘅，也避不了．．．
只望能繼續上路，活著！

=3=

2008-05-12T00:39:00.005+08:00

近日心神飄泊不定，彌漫著淡淡的憂愁。
也不知是何故，久久亦茫然若失．．．

正是月有陰晴圓缺，莫非五月梅雨未遇．．．
一時慼慼，未能釋然？

＊＊＊＊＊

大家都好像不知　=3=　何解．．．
據維基百科所述，此乃 "扭計、嘟嘴" ，亦是我心中的寫照！

因為我係扭計精，以前是，現在也是．．．

幻想世界

2008-04-26T20:32:00.009+08:00

望見你那雙凌厲而略酷的明眸，令我有點不知所措。
可能我實在太緊張了，感覺就像站在被告席上，只期望聽到．．．
"被告無罪，當庭釋放！"

不過咁，或者．．．
你都一樣咁驚呢？！

哈～哈～

＊＊＊＊＊＊＊＊＊＊＊＊＊＊＊＊＊＊＊＊

音樂會過後，我又去了公利買蔗汁。
同老板娘傾了幾句，可知貓貓有否歸來？
「
　阿仔臨拉閳時，隻貓飛咗出去。
　睇佢都係走咗去搵女，重邊度識番黎呀！
　．．．
」

我隨後走到咖哩屋玩咗陣喵，佢唔怕人，又肥嘟嘟，真係幾好玩嫁！

諗下諗下：
貓都係咁，何況係人？

又來．．．納納雜

2008-04-16T23:27:00.016+08:00

早前睇電視節目”香港故事”時，耳邊傳來了葉麗儀的聲音．．．

見你衣著顯風度，意氣風發豪情高！
便知你大有來頭．．．
Hey Big Spender!
．．．

（這時畫面上出現了大家都好熟悉，盛裝嘅大豪客！）

．．．
貴客請你將步留，此地有美人醇酒．．．

此刻腦海裏浮現出貌如周慧敏嘅博客，所講的一番話．．．
要借用靚斯奶一句：真係殺死人！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

上個星期喺地鐵站等人嘅時候，見到個阿婆係咁鬧孫仔．．．

"．．．杏加橙．．．．"
"．．．杏加橙．．．．"

阿婆，鬧孫仔可以用好多字句．．．
畢竟你地血脈相連，無需要咁咀咒自己啊！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

依期都唔錯，幾個悄悄走了的，全部都回來．．．
你～姣～（我的超爛普通話係咁上下）
再加上阿三點又開番回應欄，真好！

其實我讀咁多本博客書，最精彩果本會係迷失中環。
佢最出眾嘅地方，係將精選嘅回應一拼刊登（不過出咗書後砍晒上嘅嘢就．．．）。
喺朴度，最緊要係有傾有講，先有火花！
大家出書嘅話，可以諗諗！

又，靜下來好好好孤單果個，唔知幾時番埋黎呢?

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

早排比"衛道之士"指指點點，即刻走去買張"心太野"嘅戲飛，捧捧場。

今次開四面台，烈女遇上ＯＬ，唔知有無大驚喜呢？

悠閒自在

2008-04-06T23:32:00.004+08:00

夜來無事，心．．只望悠閒自在．．．

突然想起，昨天所取物事。
霎時一念，要輕鬆輕鬆！

此刻，卻發覺我已將水盆收到深處．．．
算．．不用也罷！

．．．
取出我那小小壺子，熱水一沖！
洗過一巡，再沖！
傾到杯子中，芳香的氣味，使我精神為之一振！
清澈的水色．．．
呷上一口，滲入到味蕾裏去．．．

不錯！我在喝茶！
綠茶中，我最愛龍井。
貪其翠綠清新，尤其是獅峰明前，讓人神怡心曠。

呵～呵～
要記上心中，真的好感謝你送給我的茶葉啊！

彩雲易聚又易散

2008-03-29T23:31:00.006+08:00

近日喺我認知嘅虛幻世界中，發生咗一次火警事故。雖則未至於破瓦頹垣，但係我諗都焚毀咗唔少物事．．．

我自己咁睇，要爭拗邊個放火，就如同羅生門一樣，你有你講，佢有佢話，好似謎咁。
只有當其時喺火場嘅目擊者先知乜事，故此我依啲外人係唔會講咁多。

正如星火燎原，都係由小小之火開始。
喺大風未吹之時，有無諗過一齊撲滅火種呢？

不過咁，選擇喺火災後離開嘅，果啲係人地嘅決定，大家只有感嘆嘅份兒。
如果選擇留底，不如諗下點再起翻身，唔好抱住偏見，亂來做猜測。武斷啲講，你話我聽日升仙都得架啦！

但係，我又覺得呢，有啲嘢，大家都已經點認咗，好似共同擁有咁。
火燭後走人時，連牌匾都攞走埋，又好似．．．
就如捐錢去東華三院做總理，自己唔撈時，都唔會要人回水呀？！

唔好太計較囉！
將心比己：不竟，大家都曾經花過不少心力呀！

離開時，不如瀟灑啲。
孑然一身，不帶走一片雲彩！

難忘吃! 吃! 吃!

2008-03-24T15:28:00.002+08:00

因為公司遲啲會搬離中環，攪到我自己都有些許失落．．．

其實呢．．．喺中環行街，飲飲食食，果種熟識嘅感覺，令人非常舒服。
就喺走之前，講下我喺中上環嘅飲食時光。

第一間係喺大道中嘅羅富記，佢嘅絕活係蜆蚧鯪魚球同腰潤。自己唔好內臟，但蜆蚧鯪魚球就真係正。

行番去大道中100號左近，有藥材鋪春回堂，我好喜歡食佢嘅龜靈膏。三十塊一盅，自己覺得佢做得好過恭和堂。

向右轉有一堆大牌檔，冬天無咁熱可以試試！

上返威靈頓街，走到卑利街處，你會見到蓮香樓。唔介意舊式茶樓格局，可以試佢嘅蓮香三寶。另外，佢嘅蓮子食品都係一絕。
再向歌賦街出發，會見到九記同勝香園。
以前愛食九記嘅爽朒，宜家佢啲味精好重，無乜食囉。
勝香園呢，雖然不賴，但永遠都咁多人。壓迫感好強，有違我食得優閒的原則。要食嘅話，不作他選，一定係通粉。

再到荷李活道，常幫趁嘅有公利竹蔗水，同文園麵家。
公利竹蔗水嘅招牌貨：蔗汁同蔗水，都清香甜美，愛甜就揀蔗汁，否則選蔗水就啱。
文園麵家呢，記得食鼓油撈麵！

最後上到Soho，我最喜歡嘅食店係 Bravo Latata，係一間做(仿)法國菜嘅餐廳。
詳細情形七十以前介紹過，不贅。
環境、氣氛、食物、服務我都好滿意，覺得超值！

現在要繼續溫書，下期再會！

我的一到五十

2008-03-14T23:49:00.016+08:00

見人打．．．
我又打．．．

01. 　愛月：月圓固美，一彎新月也明媚。
02. 　愛酒，去到瘋狂嘅狀態。
03. 　愛吃甜品 (係甜品狂魔)。
04. 　喜歡散步(只限海旁），同坐天星小輪。
05. 　記性算好(只限閒聊)，可以叫細心，也可以叫記恨。
06. 　只記到容貌、對人名卻永不上心。
07. 　追求簡單的東西。
08. 　結果卻跟世界一樣，變得極複雜。
09. 　處女座。
10. 　鐘意唔分心，做完一樣先第二樣。
11. 　為人痴呆。
12. 　平日呆呆滯滯，少說話，驟眼看好冷傲。
13. 　熟嘅話，會變開籠雀。
14. 　有時會鑽牛角尖，要求多多。
15. 　但係明白世上無乜嘢係完美嘅．．．
16. 　自我保護意識極強。
17. 　熟嘅話，很易說出心底話。
18. 　熟嘅話，好容易相信人。
19. 　所以，成日比人呃。
20. 　活在矛盾中，性格變化好大。
21. 　遇到麻煩，鍾意逃避。
22. 　但一決定面對，就算係牆都撞埋去。
23. 　以前無乜耐性，宜家有"的"咁多。
24. 　平時自信看似米甕上面張貼紙咁：常滿。　
25. 　其實都係假象。
26. 　時常細心聆聽(賣保險？）
27. 　因此，常常做咗朋友嘅免費心理醫生。
28. 　不善說謊。
29. 　容易動氣．．．
30. 　又好快收。
31. 　講嘢有時有骨，近乎刻薄。
32. 　非不得爾，不會求人幫忙。
33. 　鍾意一啲好有美感嘅嘢。
34. 　鍾意高質素，但簡簡單單嘅嘢。
35. 　但成日買錯嘢，呻笨。
36. 　學乜嘢都好慢熱。
37. 　喜歡有個性嘅人。
38. 　喜歡優雅嘅人。
39. 　喜歡一個人發呆。
40. 　中文打字超～～慢。
41. 　喜歡書。
42. 　迷戀線裝書。
43. 　最愛睇嘅武俠小說，係多情劍客無情劍(即小李飛刀)。
44. 　不善寫作。
45. 　愛睇電影。
46. 　好鍾意啲古靈精怪嘅嘢。
47. 　有時會無厘頭去教堂，又或去神廟。
48. 　好似周身刀，其實無張利。
49. 　被人話好有個性(Unique，係unique呀）。
50. 　即係怪人一個。

是但噏

2008-03-09T19:22:00.017+08:00

見到人人咁好火，我又加啲油．．．
大家一齊學下地球文都唔錯呀！
第一：我唔專業。
第二：有時我會四處留言，多數九唔搭八．．．係！我特登嘅！
第三：平日帶住面具賣笑，乜都夠啦！所以我講嘅嘢都係由心出發！

固此，我上黎寫嘢，忽東忽西，係咁嫁啦！
相信我會越來越顛．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

見到人地講開睇戲，我又講下．．．
唔知點解，除咗大家都睇嘅中西猛片外，我好多時都會睇埋一啲自己聽唔明嘅戲，乜法國片呀、德國片呀等(以前電視都會播唔少，宜家無乜囉．．．）。
好明顯，我係長尾理論裏頭嘅少數人士，特別深刻嘅有歐語片中有下面一堆：

法國

Cyrano de Bergerac (大鼻子情聖，即早前話劇風流劍俠嘅電影版)
Jean de Florette 與 Manon Des Sources (戀戀山城，可以話呢兩套係上下集）
Joyeux Noel (聖誕快樂 Merry Christmas)
Léon the Professional (這個殺手不太冷)
L'histoire d'Adèle H. (情淚種情花，呢套講雨果個女嘅故事)
Paris, Je T'aime (我愛巴黎！)

德國

Ein Lied von Liebe und Tod (布達佩斯之戀 Gloomy Sunday)
Good Bye Lenin! (快樂的謊言)
Leben der Anderen, Das (竊聽者 The Lives Of Others)

巴西

Central Station (中央車站)
Diarios de motocicleta (哲古華拉少年日記 Motorcycle Diaries)

好想睇但未睇嘅，都係意大利片．．．得閒嘅話，都會睇埋佢地

Meglio gioventù, La (燦爛人生 The best of youth)
Nuovo Cinema Paradiso (星光伴我心)

其實仲有好多好戲（不過呢．．．唔好信影評，好易出事．．．），大家又有乜好介紹？

無晒氣

2008-03-05T22:42:00.006+08:00

今日終於無蕩失路，去到目的地。
半個鐘真係過得快，但係仲未完。
我繼續坐多十分鍾，跟住悄悄走。
原本仲諗住好優閒，最後好鬼趕。

＊＊＊＊＊＊＊＊＊＊＊＊＊＊＊＊＊

這個MBTI職業性格測試，又幾準喎...

月下獨酌好地方

2008-03-02T22:58:00.009+08:00

為咗響應財政司司長減稅，今晚開咗枝 Yellow Tail Reserve Shiraz 2005。
帶甜，無乜單寧，有些少橡木味，可以啦！

開朴咁耐，話咗要講月下獨酌嘅好地方，但最後都無講到．．．
唔～～～
因為三月尾公司將會從中環搬走，所以今晚，終於下定決心講下。

基本上我去開嘅酒吧，不外乎是 IFC 嘅 Zentro，SOHO 嘅Barco，或銅鑼灣嘅花生吧等地方。
不過，既然講得係明月下獨酌，當然係希望可以：

靜靜地躲在一旁，發呆也好，做夢也好，乜都好．．．
最緊要係．．．靜！同埋見到月光！
固此我去嘅地方，同渣老板去開嘅，係兩碼子嘅事。

以下係我嘅獨酌好去處：

藝穗會嘅露天酒吧
中環三號碼頭嘅愉景森林

呢兩個地方，共通點係:
靜靜地，同埋露天嘅。

即係話，若果天氣好嘅話，你大有機會，會見到月亮！
固此，先可以月下獨酌．．．

花間一壺酒．獨酌無相親
舉杯邀明月．對影成三人
月既不解飲．影徒隨我身
暫伴月將影．行樂須及春
我歌月徘徊．我舞影零亂
醒時同交歡．醉後各分散
永結無情遊．相期邈雲漢

希望有天，我地能夠喺人海中，相遇並一齊．．．
乾杯！

小品入心

2008-03-01T16:47:00.006+08:00

經過一天身心休假，人也變得好暢快！

早前翻書的時候，找到了一本關於讀古詩的小品。

自己覺得，看古詩，最易入手的會是詩經，與及唐詩三百首。
尤其是詩經，因為它所涉及的題材廣泛，三百零五篇詩中，總有一篇會適合你。
可是，對很多人來說，讀古詩卻也甚難入手．．．
不要緊！萬丈高樓從地起，我們就揀一些適合自己的書材吧！

在我而言，讀書首要條件是：讀得輕鬆！
故此，我一定不會選毛詩那一類先行．．．
我擔保，你會在翻開書後，不消一會就把它拋棄。

那麼，應該選什麼開始才好呢？
在此，我想身邊那本小品可會適合你。
這本書叫．．．原來詩經可以這樣讀，作者名叫唐文。

小品，最重要能做到雅俗共賞。作者從詩經裏挑選了三十多篇詩，並以現代人眼光，深入淺出地解釋詩意，再會以佳句。

閱畢後，我肯定你也會說：
原來．．．詩經．．．可以這樣讀！

P.S. 三點幅相．．．真的好火熱!

我愛散文

2008-02-29T14:44:00.022+08:00

原來自己最喜歡讀的，是散文。
每個星期四，手中拿著旳，會是飲食男女。
習慣地一下子翻開，讀一讀劉健威的人情味。
細膩的文筆，早已俘虜了我的心。
由寫給 S 開始，到以珍重結束．．．
每一篇都溢滿了真摯的感情，我相信一個又一個故事，都有血肉，尤如幻燈片，將一幕又一幕光與影，投射在你我眼前。
好羨慕劉先生可以結識那麼多人，能和他們打開話匣兒，又有一雙這麼靈巧的手，將人家的心事如輕煙般，一縷縷炊到大家心中。

另外，我每天也會拜讀蘋果的副刊名采，因為裏面有很多很多我好喜歡的專欄。
尤其是：

倪匡先生的倪租界：在腦海中浮現出他的模樣，他的聲音，哈！哈！已經很開心！
左丁山的GG細語：左先生又要開咪、做公關、賭馬仔，交遊廣闊，文筆顯淺，好！
高慧然小姐的隨遇而安：很多時，他往往能一針見血地，講出大家的心底話。
朱德庸先生的大家都有病：看完後，我也覺得自己患上了重病。
不可不提的，當然是博客行啊！

今期講夠，下次再會！

點解咁難?

2008-02-29T00:51:00.010+08:00

看見朴友中，個個武藝超群。
國學呀、英國文學呀、法文呀、日文呀、音樂呀．．．
真係厲害！話時話，自己覺得，學語言都要講吓天份。

以前我學校有個學友，初頭逢二進一（即係讀兩科，肥一科）。但係佢都可以如期畢業，令好多人大跌眼鏡。

最記得果時暑假喺學校見番面，我直頭認佢唔出，減肥幾十磅後靚人到不得了。
講番轉頭，佢喺暑假時不停讀外文，法文呀、德文呀、意大利文呀．．．
一科6個 credits，佢仲要攞好多A呀，A-呀，就係咁，又過關囉。

我呢？剛剛相反．．．唔知係自己痴呆，定有語言學習障礙，硬係差啲啲。

不過咁，我相信，就如小說基督山伯爵裏阿神父所講，歐洲語系中係有一定共通點，要是能握得到，就會進步神速（即係果啲日耳曼、拉丁、同斯拉夫語族咁上下掛）。

下個月會開始試讀意大利文，希望自己醒少少。

Mövenpick white lemon

2008-02-27T23:41:00.003+08:00

我話過，我係一個甜品狂魔．．．

呵～呵～
今日就買咗好幾排 Mövenpick 嘅 white lemon chocolate。
Mövenpick呢，除咗啲雪糕好味之外，朱古力都做得好好！

最重要係，呢款味其實唔易喺其他牌子見到嫁，價錢又唔貴！

好好味呀～～～

牛飲餐酒

2008-02-24T23:02:00.009+08:00

今日又開咗支紅酒了。

查實呢，紅酒呀、白酒呀，對我黎講，就如 house wine。
呢啲酒，身邊朋友又唔係太好，開咗一枝又最遲要兩日清...
固此我呢，平平地飲下就好。

若果你係初初飲酒嘅話，白酒 (主要係 Chardonny) 會係較好嘅選擇，易入口囉。
至於紅酒呢，棟番啲單寧偏淡嘅會係一個好開始，例如 Merlot、Shiraz (即係Syrah)呢類紅酒。

近來飲嘅係 Lauca Reserve Cabernet Sauvignon 2004。
Medium body，單寧適中，約略$150，算唔錯嫁啦。

再平嗰啲呢 (幾十蚊貨仔)，唔好買法國酒囉，除非你想試下做噴泉啦...

不過咁，其實我比較鐘意飲 sweeet wine，sauternes呀、iced wine 呀，係我嘅至愛。
因為...我係一個甜品狂魔呀！

月滿西樓

2008-02-23T00:02:00.012+08:00

夜...黑幕漸漸垂下...
沿著中環海旁漫步，微微的海風，令人略帶寒意。
偶爾想起在三號碼頭上，有一間風涼水冷的酒吧。
於是，我再次踏步，往這所酒吧裏去。
我隨便找了一張桌，坐下來，揚手叫了一杯伏特加。
遙望彼岸，不知有誰在尖沙咀回望過來呢？
緩緩地呷上一口酒，希望灼熱的感覺，能驅走寒意。

但是，我的心卻仍覺冰冷...
遠眺晚空，沒有半點繁星，卻見今夜的月亮特別圓，滿月下，冷輝照面，仿如洗滌著我的心。

腦海中泛起浮思：
此時、哪地，又有幾許人跟我一樣，異地上，共賞明月?

口中喃喃念出 ...

紅藕香殘玉簞秋．輕解羅裳．獨上蘭舟
雲中誰寄錦書來．雁字回時．月滿西樓
花自飄零水自流．一種相思．兩處閑愁
此情無計可消除．才下眉頭．卻上心頭

痴呆

2008-02-20T23:39:00.004+08:00

睇完這裡之後，硬係有啲心癢...
終於...擇日出發...
去到門口，歡天喜地，卻發覺...
...
誤將馮京作馬涼！
...
自己竟然將聖約翰堂跟聖保羅堂攪亂了....

原來我真的是
痴痴呆呆...

欲購從速

2008-02-18T23:50:00.002+08:00

現某W字頭超市正進行御鹿 X.O. 干邑 (即 Hine X.O. Congnac) 清貨大特賣，傳聞這超市日後將不會再代售此酒。為免向隅，欲購從速。

特約記者 Morca 報導完畢。

音樂瑣碎事

2008-02-17T00:39:00.014+08:00

今日喺度執嘢嘅時候，順便將一疊CDs轉為MP3，方便平日聽下啦！

計有：

Bach - The Well Tempered Clavier
Beethoven - Symphonies 1 to 9
Igor Stravinsky - The Rite of Spring
Vivaldi - The Four Seasons

舞呢堆嘢都攪咗我差唔多一日...

諗番起，以前有個阿 sir 成日話古典音樂先"高尚"，其他就"廢"，我就唔係太認同啦！
音樂就係音樂，你鐘意飲法國紅酒，我都可以黎枝國產竹葉青呀...
呢啲嘢，只係相對唧！

不過咁，我都好鐘意古典音樂嘅。
講番轉頭，我唔識玩樂器，對音樂嘅認識，就只係去到五級樂理。
本來都想繼續考落去，但係發覺唔識樂器嘅話，又只會事倍功半，故此作罷。

果時我嘅報讀係一B字頭大學嘅校外課程，Miss A 係一個好出色嘅說書人，上堂嘅時間係一段好快樂嘅時光。
不過本textbook AB guide 就幾難讀...
對初學者黎講，讀深入淺出嘅 First Steps in Music Theory 會更好！

我的格子生活

2008-02-16T11:04:00.001+08:00

我平日寫嘢呢，查實好多時都喺度打啞謎，我諗無人知我講啲乜...
固此呢，我要變！慢慢會寫番其他嘢，分享多啲開心事囉！

送給你、我、他、她、它

2008-02-16T00:25:00.000+08:00

有緣再會

2008-02-14T23:08:00.001+08:00

正是有人辭官歸故里，有人漏夜趕科場。
正當喵啱啱番黎嘅時候，兵姐又話要離開...

唉... 我都好鐘意睇兵姐寫嘅嘢，尤其係夕陽西下...
(長相思中的花含煙呢?少睇啲啲)
雖然好多時都睇到心中慼慼...但係又繼續睇踻。

不過咁，人生就係要面對唔同嘅決擇及挑戰，我謹在此向兵姐祝福，希望妳一帆風順！

可能有朝一日，大家會喺網上再遇之餘，更喺現實世界相見呢！

新年新氣象

2008-02-10T21:04:00.000+08:00

正如很多人一樣，每年年頭我都會在心中許願，為來年定下一些目標。
卻是年光似鳥翩翩過，世事如棋局局新...
身邊的事情往往變化萬千，很多時都在你我意料之外。
當命運巨輪轉動時，我只希望每次都做好最佳的準備，抱有最壞的打算。
其他的，隨緣吧．．．

未知明年今日，我又會抱住什麼心情，在此寫朴呢？

鼠年快樂

2008-02-07T00:32:00.000+08:00

大年初一...
祝各位鼠年快樂，身體健康，心想事成！

自爆 X 交差朴

2008-02-04T23:02:00.000+08:00

因為一時大意，暴露身份...

其實我都「哎吔」地參加了聖誕交差朴...
不過我寫嘅係邊篇就唔講啦，知道嘅話，大家心照啦...

在此說一句：
佳偶天成，千里姻緣一線牽！

月亮代表我的心

2008-02-02T00:09:00.000+08:00

我的名字叫...

愛有罪？

2008-01-27T01:03:00.000+08:00

看到這篇後，先想起 Web2.0 的威力...
兵姐確實是媚力驚人！

最先見識到的，當然是追渣沽中的浪蝶，令人深刻的，首選Doreen(記憶中連名字也是渣沽所改)，渣沽被衆人封為偶像，實至名歸 (現在又多個 Daisy)。

最厲害的，卻是那場轟轟烈烈的戀情：由虛擬走到現實，相信大家都不善忘，想起也會心微笑。

大家笑一笑，世界更美妙！

不問蒼生問鬼神

2008-01-27T00:01:00.000+08:00

韓文公遇雪

雪擁橋頭馬不前風狂漁父莫開船
水流花謝人誰惜早立堅心志勿偏

...
...
...
你都要跑到尾！歃血為盟，出發!

Music is everywhere

2008-01-26T23:00:00.001+08:00

近日看了不少電影，計有 Atonment(愛.誘.罪), 27 dresses(27宜嫁) 與 August Rush(聲夢奇緣)。
這幾套戲中，我最喜愛的會是聲夢奇緣。

整部戲節奏明快，充滿了令人感動的元素:
信念、等待、希望、決心...

當命運巨輪默默地轉動的時候，終有一天，大家注定在人生的軌道上相遇!
Music is all around us. All we have to do, is listen.

無聊的實驗

2008-01-21T23:58:00.000+08:00

You have to play some tricks in order to insert an animated gif file.

Insert your gif file.
Go to "edit html".
You may see something like img "src= http://www...../Test.gif"
Remove a piece of characters from "src=XXXX" just before the gif file name, for example, if the string is .../yyyasda/320/Test.gif, modify it to .../yyyasda/Test.gif
It works exactly!

關於大家

2008-01-20T23:49:00.000+08:00

Blog友 Hana 和 xiao zhu 覺得我幫人改啲 blog 名好過癮，想我解下畫。

我亦覺並無不可，現在應約講講。其實依啲 blog 名都是我對你們的感覺，除了講原因外，我可能也會說說對你們的觀感。
詳情如下:

骨場頭子
風魔萬千 blog 友，更引來大量女 blog迷 (最出名嘅我相信係 Doreen)，非渣估莫屬。佐敦女子十二樂坊的出品人，給人感覺八面玲瓏，做事果斷，又非常「大男人」...一個字:型！

Stephy之友
CK的「人在中環」由blog寫到去am730，當然係好嘢！極其愛妻的CK，愛屋及烏，難免會成為Stephy之友。

心中戚戚
Hana (兵姐妹?) 以「登樂遊原」為題，點出「夕陽無限好只是近黃昏」心情不快時，再看見夕陽西下，你何嘗不會心中戚戚？再加上看Hana的文筆，很多時我閱畢後也會心中戚戚然...

俠女鳴簫
看xiao zhu的blog，就會知她是一個性格率直，做事爽朗的女孩。加上米搞的畫，我想起了「神鵰俠侶」中的程英，夜幕下面對着圓月，俠女嗚蕭以抒一己心懷，就是一幅圖畫。

淡掃蛾眉
海火火女輕抹脂粉，就是淡掃蛾眉了。

紫杉龍王
明教四大太太之一，武功卓越，不正是火火嗎？

低首彈奏時
小妮現在以竹為伴，活得快樂。藝術細胞活躍起來時，自然感情豐富。低首彈奏的時候，不知心向何方呢？

唔~~移過啲...
這裏... 要移一移...
三點為人與 xiao zhu 相似，但更硬朗...望妳可好好休息，再勇闖命途。

我們也是陌路人
Carole (小紅) 跟小妮志趣相投，就像一對活寶貝。Just like a Stranger sitting next to me.病好了沒有？

大小姐的光與影
Miranda這大小姐，在城市的角落裏，處處留下光與影的記憶。

危樓上喝伏特加
70的性格就如伏特加一樣辛辣，喝過 double shot，危坐七十樓時向下望，既危險，又刺激！

我看，只因你在寫
ZZ請妳繼績寫，因為我們也在看。不知妳新工如意麼?

薄餅師父
我覺得很多時意大利薄餅師父，都喜歡邊做事、邊高歌。不論快樂、失落、憤慨、悲傷，都化成串串歌詞，詠唱如詩。

米已成炊
米都話唔搞架啦!乜都熟哂嚜!

大古惑之小手札
魔術都是一些把戲，從未失手的魔術，其實正是大古惑...

康小姐嘅按摩錘
海歸的康小姐，面對節奏急進的環境，自然身心疲累。這時鐵漢柔情，充當按摩錘，為康小姐輕鬆輕鬆，真寫意...

百鳥之王鳳求凰
究竟火雞求什麼？

Red Rose of Lancaster
波希米亞人的一員，正是蘭開夏道之花！

西伯利亞虎
居於北方的貓科動物，近日狠狠地咬死了自己的「孩子」，銷聲匿跡...

啊！寫了這麼多，我已經倦透了...

關於我自己

2008-01-20T08:52:00.000+08:00

點解我要寫 Blog?
因為見到大家寫得精彩，每每洋洋千字，甚至萬字，
個個是都鐵人，通宵達旦也無問題.

自己也想試一試...
我既沒有文才，打字又慢，故此我每篇文都只會很短。
現實中，人家都說我是一個獨特的人(即是一個怪人)。
通常外人認識我的時候，總覺得我很冷酷。
但是每當他們熟悉我的時候，卻又認為我比想像中熱情得多。

我較少說話、語氣較硬、喜愛觀察，又時常堅持一些原則。
長處是記性不差，但只限於日常生活中的對話，卻未能用於讀書考試中，實為一憾事。

這 Blog 中有我心中所念所思，有我宣泄的藉口，有娛樂大家的玩意兒。
可能對其他人來說是「膳稿」，但對我來講卻肯定不是。

最後，我希望自己快樂，大家也快樂!

職場二三事 (一)

2008-01-13T22:30:00.000+08:00

啱啱睇緊 CK 嘅大作，當中大部份我以前已經睇過，但現在一書在手，感覺又是另一番知味。
去年我亦離開了舊公司，現在事過境遷。我也湊一湊熱鬧，細說當時。

說起我工作過嘅地方，係一間喺香港十分知名嘅老牌大公司。
我當時喺中西區番工，從事後勤公作，係其中一個 small potato。

我工作嘅部門人數唔算多，大約十幾二十人吧！
但係，每日番工，我也會見到一個又一個無型嘅圍牆，重重圍起每一個 partition。
大部份人各懷鬼胎，抱住嘅心態係：多做多錯，少做少錯。

記得當時開會，時時都會聽到某啲負責嘅同事講出驚人語句，例如:
「我唔知！」
「唔關我事！」
「依啲嘢我唔識！」
「以前啲嘢，唔係我做...」

大家默默無言，你眼望我眼。唔知點解，啲嘢走下走下，好多時最後會停在我嘅身邊...
到出糧嘅事候，郤往往聽到人抱怨，話自己勞苦功高，長期 underpaid！

而我嘅 former-boss 呢？
佢特別欣賞依啲「推手」功夫，要我們向「人辦」好好學習。

故此，我明日，我永遠同 former-boss 步伐唔一致...

輕盈飄逸

2008-01-06T22:12:00.000+08:00

假若你問我最喜歡哪一種裝飾品, 我會答:「絲巾!」

由始至終，我都覺得絲巾能使女性散發高貴而優雅的氣質，帶出精緻郤多變的形象。
只需將絲巾輕輕地披於肩膀上、掛在領口間、束於頸項外、甚至縛在臂膊之際，配搭得宜的話，往往能溢出女性的魅力。

雖然我覺得絲巾是不可或缺的配件，但是這件利品郤是一把兩刃劍，是其一最難搞的行頭。質料、顏色、印花、尺寸之外要考慮的因素多的是...

回想起早前，我有些許猶疑，買下了一條手染絲巾。
因為這些許猶疑，之後我跑了不少店子，去肯定自己的決擇。
當然，我確信我的選擇是對的!

最苦的差事，卻是得要好好地打理絲巾。
设辦法...美麗很多時，是要付出代價的。

喜酌

2008-01-02T21:59:00.000+08:00

下星期我將要趕赴兩次喜酌，霎時在腦際間閃出一絲影像。
發覺大部份的婚宴中，也不知何固，司儀們總是很喜歡說一句話:
「執子之手，與子偕老」

執着你那一雙手，與你一起到白頭。
寫得何其優美!

但是，我聽到這一句的時候，郤每每暗自輕嘆...
往往想起了這一首詩(即詩經中，邶風哀裏的擊鼓)，隨後數句:

于嗟闊兮不我活兮
于嗟洵兮不我信兮

閉起你那雙眼，腦海中只浮現出...

天各一方，信約成空，頓成永訣。

在人家的喜酌中，你會不會說如此「佳句」?
除非，你跟主人家有深仇大恨...

謊話連篇

2008-01-01T01:37:00.000+08:00

開年第一擊，郤是一篇賭氣的文章...

雖然我沒有千個面具，但也備有不同的面孔，去應付周邊五花百門的人。
在這個虛幻的網絡世界中，我郤感覺到自己活生生地存在。
我希望在這片天地下，可以將我內心真實一面赤裸裸地展現出來。

近日積聚集在我內心的「負面能量」與日俱增，終於有儲滿之時...
你曾經對我說，朋友間在乎坦誠；
你曾經對我說，你極討厭人家謊話連篇。

也不知道是我太天真，還是我太愚蠢，相信你的說話。
我缺點很多，優點太少...可是我蒙天恩眷顧，天生記心不太差：
雖則只限於瑣碎雜事，卻每每歷歷在目...
你以為我不知道嗎？
只發覺你大話越來越多，每次我也記在心底裏，可我郤無意捅破這輕輕的、脆弱的薄紗罷！

可能對你來說，每個大話也無關痛癢。可是，對我來講，郤使我越來越失望。你往往在我心中，不經意地劃下了一絲絲的血痕。
事實上，我只是你身邊恆河沙數中的一粒微塵，你着實不用騙我！

難道，在這一刻，我不可任性地發作一次嗎？！

開年

2007-12-30T18:56:00.000+08:00

天上月圓人間月半月月月圓逢月半
今宵年尾明日年頭年年年尾接年頭

先祝你生日快樂!

再祝各位新年如意!